A Asociación Cultural Irmáns Suárez Picallo, ven de presentar diante da Dirección Xeral de Patrimonio Cultural da Consellería de Cultura, Educación, F.P. e Universidades, escrito de alegacións ao expediente que incoa o procedemento para declarar ben de interese cultural o edificio do Museo Galego de Arte Contemporánea Sargadelos-Carlos Maside, no termo municipal de Sada (A Coruña), e a súa colección de arte.
O escrito solicita a estensión da declaración BIC ás edificacións do conxunto do complexo de Cerámicas do Castro, incluídas as do taller cerámico orixinario nas antigas cocheiras do pazo; subsidiariamente, que, mantendo a categoría BIC de monumento ao edificio do Museo, se categorice coa categoría de sitio histórico o conxunto do complexo de Cerámicas do Castro.
Tamén que os informes que se soliciten, tanto á Real Academia Galega de Belas Artes da Nosa Señora do Rosario coma ao Consello da Cultura Galega, se refiran ao conxunto do complexo de Cerámicas do Castro e non exclusivamente ao Museo.
A fundamentación e xustificación destas peticións recollidas no escrito de alegacións da AC Irmáns Suárez Picallo, fundaméntanse en 5 grandes apartados:
- Pola necesidade de preservar a verdade histórica e a obra de Isaac Díaz Pardo
- Pola necesidade de visibilizar a figura de Carmen Arias de Castro, “Mimina”, sen cuxa participación activa non sería posible a obra de Isaac tal como é coñecida.
- Por coherencia na actuación da propia Dirección Xeral de Patrimonio, que declarou BIC o conxunto da fábrica de Cervo e pretende limitalo en Sada ao museo Carlos Maside.
- Por garantir o desenvolvemento normal da actividade empresarial no Castro.
- Polo valor patrimonial e cultural do conxunto do complexo.
A continuación podese descargar o escrito de alegacións presentado:
