No acto de presentación actou con grande éxito a Orquestra Tombalobos
A capela de San Roque quedou cativa para albergar a toda a xente que se achegou ao acto de presentación do número 25 da revista cultural de Sada “Areal” que edita a Asociación Cultural Irmáns Suárez Picallo coa colaboración da Deputación Provincial da Coruña, o concello de Sada e diferentes empresas e negocios de Sada.
O acto foi presentado por unha das compoñentes do Consello de Redacción da revista, Claudia Varela Lourido e o presidente da Asociación Cultural Irmáns Suárez Picallo que foi debullando polo miudo os diferentes contidos que fan parte deste novo número de Areal.
Finalizado a presentación da revista, Claudia Varela presentou a actuación da Orquestra Tombalobos, cun grande éxito entre o público asistente. Desde o consello de redacción da revista Areal e desde a Asociación Cultural Irmáns Suárez Picallo, agradecemos a actuación realizada por este mágnifico grupo de música tradicional a actuación coa que nos agasallaron onte na capela de San Roque de Sada.
A partir de hoxe e ata mediados do vindeiro mes de xaneiro, comezamos a publicar todos os contidos da revista neste espazo web. Areal nº 25 esta desde onte dispoñible en formato papel nos lugares habituais de distribución da revista.
