A AC Irmáns Suárez Picallo celebrou asemblea anual

No salón de plenos municipal reuníronse as socias e socios da ACISP para debater e aprobar o balance económico e a memoria de actividades correspondentes ao ano 2021, así como o orzamento e a proposta de actividades para o 2022.

Todos os puntos foron aprobados por unanimidade e poden consultarse aquí:

Tamén se aprobou conceder ao presidente Paco Pita a distinción de socio de hora, por ser socio fundador e presidente da asociación desde o ano 2008. Paco non puido asistir por razón médicas pero participou telefonicamente, agradecendo a colaboración de todas as persoas que ao longo destes anos traballaron con el e ao conxunto das socias e socios. Salientou ademais que a ACISP xa ten, afortunadamente, “velocidade de cruceiro” e que lle desexa moita sorte no traballo que se aveciña.

Na asemblea acordouse así mesmo a creación de diferentes grupos de traballo e facultouse a Xunta Directiva para poñelos en marcha:

–         Consello de Redacción

–         Comunicación

–         Memoria Democrática

–         Produción Audiovisual

–         Documentación e Biblioteca

A continuación da asemblea anual ordinaria celebrouse a reunión extraordinaria para a elección da nova persoa que presida a ACISP. Esta foi a candidatura elixida por aclamación:

Presidente: Manuel Pérez Lorenzo

Vicepresidenta: Mercedes Leobalde García

Secretario: Abel López Soto

Vicesecretario: Rubén Anido Regueiro

Tesoureiro: Carlos R. Babío Urkidi

Vogais: Xosé Anxo Seoane Cao, Laura I. Pita Campos, David García Pauwels, Estevo Rodríguez Liste, Marisa Naveiro López

O novo presidente dirixiu unas palabras aos asistentes para agradecer o nomeamento, explicou as novas incorporacións á Xunta Directiva e apuntou que contaría con Paco Pita como asesor do presidente, figura esta contemplada nos estatutos da ACISP.

Manuel Pérez propuxo como gran reto a incorporación da xente nova á asociación.

Novamente interveu o presidente saínte para agradecer a confianza recibida durante tantos anos e pediu que se continuase traballando na consecución da declaración BIC do Museo Carlos Maside, para poder sumala á do Pazo de Meirás e a do edificio da Terraza.

Documentos para descarga:

Partillar

Deixa unha resposta

O teu enderezo electrónico non se publicará