Emilia das batallas

 (baseado nun episodio real, de cando


Emilia Pardo Bazán foi traficante de armas)

 

VANESA SANTIAGO VÁZQUEZ

 

Colle o mosquete, Emilia das Batallas,

e os trinta mil rifles mercados

para o teu rei don Carlos, en París.

 

Na capital de Albión,

Londres de néboas e negocios escuros,

arranxaras o encargo

tirando dos teus seos xenerosos

bos feixes de floríns.

 

Volves a España. Cruzas os Pireneos

entre as sombras da noite do país.

Na Marineda atlántica serás culpable

da traizón destas febres xuvenís.

Pero es Emilia, condesa das Batallas,

e digna negaraste a te exiliar.

Ninguén ousa tocarte, Emilia Batalleira.

Ninguén ousa cuspirche nin falar

en contra do teu peito fervoroso,

carlista, español, tradicional,

católico e libérrimo,

e espido tras os muros

de Meirás.

 

E un miquiño que roña fascinado

ao verte camiñar polo Areal.

 

Gravado de J. Cuevas.
La Ilustración Gallega y Asturiana
, 08/04/1881

 


Partillar

Deixa unha resposta

O teu enderezo electrónico non se publicará