Onte, novo acto da AC Irmáns Suárez Picallo cheo de contidos culturais

Presentación do Caderno de Estudos Xerais adicado a Xela Arias

Comezou o acto coa presentación do Caderno de Xerais titulado “Xela Arias: liberdade, subversión, innovación” a cargo do presidente da AC Irmáns Suárez Picallo Francisco Pita, e o Coordenador e responsábel da edición do Caderno Henrique Rabuñal. O Caderno está editado en papel e tamén o podes descargar desde a pestaña de Cadernos de Estudos Xerais accesibel desde este espazo web.

Presentación do nº 23 da revista AREAL.

De seguido, Mercedes Leobalde e Carlos Babío, como membros do Consello Redactor da revista, deron conta dos contidos incluidos no novo número da revista Cultural de Sada Areal editada pola Asociación Cultural Irmáns Suárez Picallo, e que iremos publicando nos vindeiros días neste espazo web. 

A revista impresa estará en breve a disposición, tanto na Oficina de Turismo do Concello como nos establecementos colaboradores da revista.

A historia de Sada a traves dos medios

O acto de presentación contou coa as intervencións
improvisadas de dúas alumnas e colaboradoras neste número de Areal, (Claudia Varela, Raquel Urgorri e Nicole Zapata) a través un artigo elaborado por elas e titulado “Unha década da historia local a través da prensa. Os anos 50 doséculo XX“. Na intervención falaron da importancia de coñecer a nosa historia e da súa divulgación en espazos como representa a revista cultural de Sada Areal. 

Un gusto contar con colaboradoras así.

Lectura de textos e entrega de premios do Certame de Poesía “(Re)inventando Xela Arias”

Por último, as gañadoras do Certame de Poesía adicado a Xela Arias e organizado polo Concello de Sada, deron lectura aos seus respectivos textos gañadores. 

A partir dun verso da autora homenaxeada as persoas participantes debían compor un poema. Na categoría de 18 ou mais anos a gañadora foi Brenda González Fernández co poema titualdo “A crise das marabillas”. Na categoría de 14 a 17 anos a gañadora foi Lúa Figueroa Lago. 

Os textos gañadores foron publicados neste novo número da revista Areal e en breve serán publicados neste espazo web.

Tras a lectura de poemas por parte das gañadoras, a concelleira de Normalización Lingüística e Medio Ambiente do Concello de Sada fixo entrega dos premios do certame ás gañadoras.


Partillar

Deixa unha resposta

O teu enderezo electrónico non se publicará