PRUDENCIO CANITROT (Pontevedra, 1883-Madrid, 1913) foi un escritor, xornalista e pintor galego. No campo das artes plásticas, destacou como paisaxista e ilustrador de libros. Establecido en Madrid, substituíu a pintura pola literatura, publicando volumes como Cuentos de abades y de aldea, Rías de Ensueño, Ruinas ou Suevia. Estivo ligado ao rexionalismo galego e ao movemento agrarista Acción Gallega, participando na campaña en favor da redención dos foros. No ano 1908 visitou a Emilia Pardo Bazán nas Torres de Meirás e deixou como testemuña este artigo, publicado na revista Galicia, da Habana (19/12/1908).
