Como xa é coñecido, hoxe comezan por fín as visitas organizadas polo concello e a ACISP entregou xa todos os materiais para comezar coa organización das visitas.
Entre os materiais entregados ao Concello está unha Guia para visitar o Pazo de Meirás que inclue un Plano orientativo da distribución da propiedade. Ademais, entregouse unha memoria da guia de “Percorrido e Contidos” das visitas a realizar. Aquí avanzamos algúns deles, e en breve colgaremos para a descarga todos os materiais da visita.
Todos estos materiais foron elaborados polos autores do libro “meirás, un pazo un caudillo, un espolio”, unha das probas fundamentais presentadas polo estado na demanda que permitiu a devolución do Pazo de Meirás ao patrimonio público.
Aquí ofrecemos un resumo das cuestións mais importantes a ter en conta sobre como se pode realizar unha visita ao Pazo de Meirás, e en que consiste dita visita.
Que días e en que horarios abre para as visitas o Pazo?
Inicialmente abrirase o Pazo os seguintes días e horarios:
Martes, mércores e xoves: So polas tardes de 16 a 18 horas e de 18 a 20 horas
Venres e sábados: Maña e tarde de 10 a 12 horas, de 12 a 14 horas, de 16 a 18 horas e de 18 a 20 horas.
Domingos: Só polas mañás de 10 a 12 horas e de 12 a 14 horas
Luns: Pechado
Como se realizan as visitas e canto duran?
As visitas son guiadas e acompañadas en grupos de 20 persoas en cada unha das franxas horarias previstas.
Cada visita ten unha duración aproximada de hora e media.
Como podo reservar ou concertar unha visita?
Por correo electrónico: reservaspazodemeiras@sada.gal
Por teléfono: 981620075 (Ext. 264) ou 638421054
Os grupos completos (excursións organizadas) deberán facer a reserva obrigatoriamente por correo electrónico.
Que verei na visita?
Que recomendacións debo coñecer para visitar o Pazo de Meirás?
 |
As Torres de Meirás, construídas por Emilia Pardo Bazán entre 1894 e 1910. Albergaba a súa residencia, as súas bibliotecas e a capela, entre as dúas torres de igual altura. Foi residencia de verán de Franco |
 |
A Granxa de Meirás, fortaleza do s. XIV reconvertida en casa de veraneo. Durante a ditadura foi rehabilitada polo Estado, empregándose como edificio de servizo da residencia oficial do Xefe do Estado |
 |
Casa de Josefa Portela, tomada pola forza en 1938 e rehabilitada polo Estado como casa do garda |
 |
Casa das Cunchas, mercada en 1962 e rehabilitada polo Estado en 1975 como casa do garda. Propiedade aínda da familia Franco |
 |
Peche exterior e garitas do pazo, construídos pola Junta Pro-Pazo e polo Estado |
 |
Cruceiro agasallado polo Concello de Pontevedra en 1938 e diversos elementos (escudos, pías, figuras…) trasladados a Meirás durante a ditadura |
 |
Portón do s. XVI trasladado a Meirás na ditadura |
 |
“O Paciño”, casa de Xogos de Carmen Franco construída en 1938 [Arquivo BNE] |
 |
Obelisco conmemorativo da visita dos reis en 1927 |
 |
Antigo “camiño do Enreixado”, desprazado para afastalo das Torres e adxudicado a Franco [Arquivo RAG] |
 |
Pezas do pazo de Dodro, repartidas polos xardíns |
 |
Balaustrada formada coas pezas do pazo barroco de Dodro, desmontado e trasladado a Meirás por mandato de Franco |
 |
Os Pardo Bazán no estanque da Granxa [Arquivo RAG] |
