En lembranza de MIMINA no CENTENARIO DE SU NACEMENTO

 Abel López Soto

De esquerda a dereita, Carmen Arias de Castro “Mimina”, Isaac Díaz Pardo e
 o autor deste artigo, Abel López Soto e Xesús Alonso Montero

Mimina naceu tal día coma hoxe, un 15 de abril de 1921 na Coruña. A súa figura está moi ligada á do seu marido, Isaac Díaz Pardo, ainda que merece un espazo e recoñecemento singular porque Carmen Arias, ademáis de ser unha gran artista plástica, foi cofundadora de Cerámicas do Castro, a súa familia era a propietaria dos terreos onde se asenta a fábrica, e contribuíu de maneira decisiva á consolidación do grupo Sargadelos ata convertilo nun referente empresarial da Galiza do século XX. 

Ainda que a súa infancia transcorre na Coruña, veraneaba en Sada, no Castro, cando as vacacións dos veraneantes empezaban en xuño e duraban ata ben entrado setembro. 

Deu os seus primeiros pasos como pintora da man dunha persona á que lle chamaba “tía Lola”, Dolores Díaz Valiño, que en realidade era tía de Isaac e foi precisamente nesas clases onde o coñeceu e así empezaron a saír xuntos. 

Mimina foi unha aluna aventaxada xa que acabou convertíndose en axudante da “tía Lola” ata que ésta decide ir a Madrid estudar Belas Artes. Mimina tamén quería ir pero non puido, a súa condición de muller comeza a xogarlle malas pasadas, porque o seu pai non llo permite e ten que realizar os estudos por libre. 

Tampoco o pai era partidario nos comezos, da relación sentimental con Isaac, ainda que ao final acaban casando no Castro no verán de 1945

Catro anos máis tarde inician xuntos o proxecto de Cerámicas do Castro onde Mimina xoga un papel imprescindible, encárgase de dirixir a decoración das pezas que se producían, ademáis do coidado dos seus tres fillos que naceran moi seguidos, nunha época onde a conciliación da vida familiar e laboral para as mulleres era realmente moi complicada.

Mimina encárgábase ademáis de ensinar a todas as persoas que entraban a traballar na factoría do Castro.

Cuando Isaac se despraza á Arxentina para por en marcha a empresa Celtia, é Mimina quen queda ao mando de cerámicas do Castro e incluso viaxa a Magdalena, a primeira vez no 1958, para ensinar tamén ás persoas que se incorporaban a traballar nesa fábrica.

Coincidindo co inicio da produción de Sargadelos en Cervo a comezos dos anos 70 do pasado século, Mimina crea a súa propia línea de xoiería, todo un éxito desde o punto de vista artístico e empresarial.

Ademáis de todo este inxente traballo, do coidado dos fillos, da familia, Mimina tiña tempo e ánimos para se converter nunha gran anfitriona, co seu carácter afable e unha educción exquisita recibíu na súa casa do Castro a moitas persoas relevantes do mundo da cultura e da política galega e española da época. 

No ano 2011 o Concello de Sada ofreceulles unha sentida homenaxe, unha de tantas que recibiron en Sada, en Galiza e agora tamén na República Arxentina, porque son moitas as persoas que pensan que nese proxecto empresarial e vital da parella, Mimina xogou un papel decisivo e merece un brillo propio na costelación das grandes personas artistas e emprendedoras da Galiza do século XX. 

Abel López Soto. Secretario de la Asociación Cultural Irmáns Suárez Picallo de Sada


Carmen Arias de Castro “Mimina”


   Mimina nos Cadernos de Estudos Locais da         

N.º 24Marzo 2017  
Actos en torno ao Día da Muller. Nomeamento de Carmén Arias como Filla Adoptiva de Sada.
–  Mimina. Xosé Díaz
–  Mimina nas miñas lembranzas. Xesús Alonso Montero
–  Lembrando a Dona Mimina. Manuel Suárez de Concha
–  Mimina. Xoán Xosé Fernández Abella
–  Visións de Mimina. Mirada de Mimina / Os ollos de Isaac. Carmen Blanco.
–  Carmen Arias de Castro Montero. Perfil Biográfico. Manuel Pérez Lorenzo.
 ⏬⏬⏬ Ver en PDF

Partillar

Deixa unha resposta

O teu enderezo electrónico non se publicará