AS RECOMENDACIÓNS DE SERGIO MODIA

Sergio Modia

CINE

The road (2009) 
Situados nun futuro post-apocalíptico, un pai e un fillo emprenden unha viaxe cara á costa, onde aínda é seguro vivir, despois dunha sucesión de desastres naturais descoñecidos, que mergulla a terra nunha zona completamente inerte. Non queda vexetación, nin animais, só un pequeno grupo de humanos que intentan sobrevivir á falta de comida e ao comportamento humano. A película é pouco coñecida, pero está baseada nun impresionante libro do mesmo título, que tamén é moi recomendable.
É unha película moi visceral, advertemos de que é unha obra marabillosa, pero que deixa un pouco mal corpo ao final e mentres se desenvolven os acontecementos. O espectador ponse facilmente na pel dos actores. Tamén xera profundos momentos de reflexión cunha fotografía espectacular e iso faina única. 

La Jetté (1962) 

Esta película francesa de duración media duns 30 minutos e un modelo nos programas de estudos cinematográficos. Pioneira no seu xénero, La Jetté é unha obra composta por imaxes fixas que contan unha historia sobre a memoria, a humanidade do humano e a mente. 

En la boca del miedo (1996) 

Unha obra mestra do suspense e do horror. Dirixida por John Carpenter a mediados dos anos 90. Inspirado no universo Cthulhu de H.P Lovercraft, ten un desenvolvemento moi inquietante, onde a historia ten un xiro moi inesperado. 

El andamio (1996) 

Mediametraxe filmada na Coruña e que é o único expoñente do neorrealismo galego dos anos 50. Película amateur, onde Antonio Docampo e os seus irmáns, famosos na escena coruñesa, participan como realizadores. Un traballo esencial. 

DOCUMENTAL

De un tiempo libre a esta parte (2015)

Documental que narra un tempo no noso país, entre 1978 – 1985 e que foi coñecido como “Nova onda española”. Fala do real, o que naceu xusto despois da morte do ditador Francisco Franco e que deu lugar a unha explosión cultural e social nunca vista en España. Onde os restos do franquismo e o moderno conviviron como puideron. Unha montaxe de escándalo, dirixida por Beatriz Alonso Aranzabal, unha persoa que viviu ese tempo de primeira man.

MÚSICA

Portishead: Dummy (1994)

O álbum de estrea do grupo, considerado clave dentro deste estilo musical.
Trip-hop lento, elegante e escuro. Un álbum moi recomendable para case todo o seu contido. 


AA.VV.: A complete introduction to Sugar Hill Records (2010) 

Unha compilación de 4 discos. A historia dos primeiros anos do Hip Hop gravado é sen dúbida a de Sugar Hill Records. As raíces do rap preséntanse aquí nunha Introdución completa a Sugar Hill Records, a colección única dos primeiros e mellores artistas que foron pioneiros neste extraordinario xénero que narra o nacemento dunha revolución musical. 

Partillar

Deixa unha resposta

O teu enderezo electrónico non se publicará Os campos obrigatorios están marcados con *