LUNS
LUNS olla de esguello no lado dereito senta a temperanza e no esquerdo, senta a paixón
NA ESQUERDA
En LUNS as cíngaras bailan a danza da chuvia
E se LUNS escoller puidera, sen pensalo, ficaría móbil nas festas da rúa de Abaixo
Entre proclamas e no ar
a partitura de LUNS
a súa rebelión verdadeira
NA DEREITA
LUNS segue a loitar con pedras e paus que atopa na rúa
As trompas de LUNS, miañadas, son para min todo un misterio
Na trona de LUNS a náusea viste con grilandas e frores
e coa torpeza dos homes
e cos sotaques do tempo
En LUNS os astros fican aletargados:
O sol quentou e quentou
e queimoulle as meixelas
O vento escapou
e até hoxe ficou agochado tras o parapeto
e baixo un paraugas con varas de ferro
LUNS segue a danzar no compás do patriarcado
MARTES
MARTES é montante e remonta
MARTES espreguiza
Un ollo arriba e outro abaixo, que non esquecen que:
«Sometimes you can’t make it on your own»
MÉRCORES
MÉRCORES non sabe gardar un segredo
MÉRCORES é Influencer
«Put your money on me»
XOVES
XOVES coa súa man esquerda bica a deda do pe
e coa man dereita
terma do ceo
XOVES, pensa, pensa e pensa… e chega á seguinte conclusión:
«Se o averno é un inferno
o Edén non é o paraíso terreal»
XOVES tan só maridanza de reflexos e cores
VENRES
VENRES muda de pel e descansa, é Corpo
E as criaturas non xulgan, senón que alentan e acompañan tamén as criaturas son VENRES
«VENRES tamén decide esquecer o tabaco
unha demostración máis da súa impertinencia»
SÁBADO
SÁBADO é véspera de feira, procacidade, impudencia e demais calidades inxénitas dos touros
SÁBADO é desde primeira hora da mañá
DOMINGO
DOMINGO é comezo e fin de ciclo
DOMINGO só ten unha proclama, coa que abre e pecha o día:
«(…) rogamos se comporten como animales»
HOXE
HOXE as pedras, as mulleres e os homes xa non facemos oídos xordos
verdade que non?
«Xa non estamos paralizadas»
HOXE somos TODOS OS DÍAS DA SEMANA
TODOS OS DÍAS DA SEMANA
Manuel González Prieto
