PRESENTACIÓN DO Nº 5 DE AREAL

O pasado sábado 13 de outubro tiña lugar na Capela de San Roque, rehabilitada e reconvertida en espazo cultural en marzo de 2011, a presentación do nº 5 da nosa revista Areal. Ante un público que abarrotaba o edificio (preto de 150 persoas), actuou a Coral Polifónica da S. R. C. D. de Sada, interpretando pezas galegas e 3 obras da autoría do escritor sadense Ricardo Flores, a quen temos homenaxeado recentemente con motivo do 10º aniversario da súa morte. A Coral foi finalmente agasallada cunha peza do escultor e directivo da nosa asociación Xosé Val Díaz, Valdi.

Posteriormente, o socio Manuel Pérez Lorenzo realizou un percorrido polos contidos do presente número de Areal, que conta cunha sección especial dedicada ao propio Ricardo Flores.

Finalizou o acto cunha intervención excepcional: a da actriz Carmen Moreno, que representara obras de Ricardo Flores no Buenos Aires dos anos 50. Nesta ocasión, representou un anaco da obra Un ovo de dúas xemas, deleitando ao público coa súa vitalidade e simpatía.

Presentou e coordinou todo o acto o noso presidente Paco Pita.



Partillar

Deixa unha resposta

O teu enderezo electrónico non se publicará