INAUGURACIÓN DA EXPOSICIÓN DEDICADA A RICARDO FLORES

Onte inaugurouse na Casa da Cultura “Pintor Llorens” de Sada a exposición dedicada a Ricardo Flores. No acto estiveron presentes familiares do escritor homenaxeado e da actriz Carmen Moreno, así como o estudoso da emigración galega a Buenos Aires Luis Pérez. Por parte do Concello, asistiron representantes do grupo municipal do BNG (Abel López Soto e Calros R. Silvar).

Fixeron uso da palabra, pola entidade organizadora (A. C. Irmáns Suárez Picallo), Paco Pita e Manuel Pérez Lorenzo, que comentaron as motivacións que levaron a concebir esta exposición, as aportacións das que é debedora e o contido dos 10 paneis e da vitrina que a compoñen. A continuación, José Gerpe, afillado de Ricardo Flores, relatou as súas lembranzas acerca do seu padriño.
Por último, distribuiuse o nº 12 dos Cadernos de Estudos Locais que edita a A. C. Irmáns Suárez Picallo, e que recolle o texto dos paneis.
O acto resultou emotivo, cunha notable asistencia de público. A exposición permanecerá aberta ata o próximo venres 27, día no que -ás 20:00 h.- terá lugar unha mesa redonda na que participarán persoas que trataron a Ricardo Flores.

Partillar

Deixa unha resposta

O teu enderezo electrónico non se publicará Os campos obrigatorios están marcados con *