O LEGADO EDUCATIVO DOS NOSOS EMIGRANTES

O pasado día 19 de novembro tivo lugar na Casa Municipal da Xuventude o acto organizado pola A. C. Irmáns Suárez Picallo, coa colaboración do Concello de Sada, sobre as sociedades de instrución creadas polos emigrantes galegos en América co fin de construír e xestionar escolas en Galicia.

O acto, presentado por Marisa Naveiro, abriuno Ernesto López Naveiras, que trazou unha perpectiva xeral desta cuestión, con especial atención á sociedade pioneira Alianza Aresana da Habana. Posteriormente Miguel Gayoso falou a cerca da sociedade Sada y sus Contornos de Nova York e das escolas do mesmo nome, das que actualmente é director. Pechou o acto Jesús Castro Vidal, compañeiro da asociación e ex-alumno de Sada y sus Contornos na etapa anterior á Guerra Civil.

No transcurso do acto, Miguel Gayoso presentou o nº VI dos nosos CADERNOS DE ESTUDOS LOCAIS, do que é autor, e que versa, precisamente, sobre a sociedade Sada y sus Contornos.

Foi, en definitiva, unha xornada agradable e moi instructiva.